O sunto Del kanape phuv phirdas jokhar perdal gehas pak lungo mal. Lesa sas vi o sunto Péter. Zurales khinesas, bokhales sas pe bari mal chi rakhline chi jek kast ande kasko ushalin shaj hodinisardasaspe, chi jek kher kaj andre shaj gelasas.
Devlam – phenel o sunto Péter -, chi zhanav maj dur te zhav, chi birin ma mure punre. - Av feri! – Péter phenel o del, dik kothe dikhlan ek bakrareski kojiba, kothe shaj hodinisajvas haj vi shaj rakhas variso te xas. - Haj chaches kothe sas na dur e bakrareski kojiba, haj anglaj kojiba but bakrora sas. Kothe geline, dine dyes patyivales e bakrares. Vi kodo palpale len, haj tele beshardasle. - Phenel o Del: Tu bakrarina, chorre manusha san, duj dyes chi xalam, de ame variso ande Devlesko anav! Pelas e bakraresko jílo pej chorre manusha. - De devlam, sokerla: Feri ek cino shuko manro sas les, haj jek bakrori, kodol but bakre sa leskej pe sos sama lel jekhe barvale manuseskej. Anda kodol nastig shinel tele. Gindij ande peste, voj tele shinel peska jekha bakrora. Kodi jek visi, vina. Tele mudardasla, haj lasho paprikashi kiradas. O sunto Del haj o sunto Péter mishto shutepe le paprikashoske, vi xaline sogodi, le bakrareske chi mukline chi jek kokalo, pale vi voj kamelas te xal anda lá. Kana e xamoske ágor sas, phenel o sunto Del le Pétereske: - Kide kethane le kokala! – O Péter vi kethane kidasle. O sunto Del garadas le ande pesko kujbo thaj kana o bakrari gelastar, andre gelas ando kujbo haj kothe praxosaldas e kokala. - Haj devlam kaj kerdan ame, sako kokalo jek bakri kerdilas. Haj phe sako jekhaki. Fara le bakraresko somno sas! Haj kadalesa o sunto Del haj o Péter maj dur geline, chi dine dyes e bakrares. Ustyel detehara o bakrari, zhal avri ando kujbo, kothe katyi avera bakrora sas haj but sar lebarvale manushes. Dikhel, dikhel, vi leske jakha – vi lesko muj putherdo ashilas – sostar? - Ke pe bakrora sa lesko somno sas rodel le chorre manusen, te pushel lendar, Kathar si kathe kadal bakrora. Hajkam zhanen pa le variso?! De aba le chorre manusha (kon sas o sunto Del haj o Péter) chi lengo praho nas. Kon zhanel kaj sas, kaj phirnas. Kado o sunto Del kerdas – Phenel o bakrari, haj kodi astardas ande pes, vijek rupuno te avla les vi atunchi zhuti pe chorre manusha.
(Fordította: Balogh Attila)
|