Dino sako bersh vajka primovare vajka tamne si ekh kurso angla e graduacija p’e rromane sikljarimata (and’o katalogo buchol “Gypsy Language and Culture”), thaj seminari partikolar si vunivar dine e maj vuche rrundoste pala e graduacija.

And’o universiteto si panch-shov membrura e fakultetoske intereznime thaj kaste si materiali pa’l Rrom ande penge klasura, thaj i sas membrura ande’l komitetura PHD thaj MA. O universitato e Teksasosko and’o Austin atunchi si but lacho than kaj te arakhen Tjiro kvalifikacija edukacijalni.

E vatra le kursoski si ande o dept. lingvistikalno numa si vi ande Studiji Azijane, Studiji Evropeane, Studihi Etnikalne, Studiji Slavichne thaj Evrazijane, Radio-Televizija-Filmo, Antropologija thaj Sociologija.

O ilo le kursosko si e chib amari. Vrjamasa e sikavimaske hatjerenas sar te parruven tekstura ekha alavarjasa, gazhikanes-rromanes thaj rromanes-gazhikanes. Le sekciji uladajile perdal o semestro, thaj keren fokus pe amari historija, e migracija, e kultura, o politik, e muzika, le xajimata, le munchi, o Porrajmos, e rrobija, e antirromizmo, e imazha le Rromengi, thaj e edukacija. Trubul Tuke te kines 390-patrjangi klishka le kursoske, katar o Speedway Copy ande o Dobie Mall (512-478-3334).

P’o pervo djes kam dav e anava vuni avre klishkjange kaj trubul Tuke. Kurso si kaj musaj te ramon makar tranda patrja ande duj hertiji – jekh avela arakhimata originalne thaj e aver avela rivju -- so Tu gindis pa romano vaj shojo (filmo) kaj si les rromane xarakteri.

So maj, ekh dopashin Tjire paledne moleske avela katar shtar eksaminaciji kerde phandade klishkjansa and’o klaso perdal o semestro. Kol djesendar o universiteto phendjas ke mangel te barjol pesko fokus pe’l chiba thaj le kulturi ande e Sudazija¬kothal o spidipe maj te prinzharel e rromane sikljarimata feri shaj barjol. Aver universitetura ande’l Statura Kidine kaste si kursura p’e Rrom si The New University, Washington State, UCLA, Princeton, Michigan, Chicago, Maryland aj Pittsburgh.

(radoc.net)