So te kerel o manush, te te zhutil kamel po kaver, pa kodoleste, kon amende boldenpen, Te na zhutinas? Kado na avlas phralikano. Kasavo boldo manush nashtig kerel. Thaj so te keras, te po zhutipe zhukardo manush chi lel kathar boldo o manro, te le rashajestar chi xutyilel o xaben, ke trushul si ande peski korr? Voj chaches bokhajlo-j? Lesko patyalipe kasavo zuralo-j, hoj majfeder merel, sar kathar jekh boldo primil-tar o xaben vaj o piben. Vi inke kathe kamel te avel. Sostar? Sostar na ando kasavo them zhal, kaj lesko patyalipe trajol, kado si statosko patyalipe, o islam?

Mashkar drom le migransha shuven-tar penge dukumentura, pengo personalne lila, hoj te na zhanas kothar aven. So garaven? So nashtig zhanas? Si mashkar lende kasave, kon istonen le bolde sobrura. Pustin sa, so angle lende boldo si. Avri chi tordyon le bolden. Atunchi so shaj kamen amendar?

Andre priminas len kade, hoj chi zhanas, so plankeren? Hoj von priminame boldenge, vaj na? Vaj vi amenge ando islam trubul te patyas?! Trubul bistras o Devles, o boldimo? Thaj slobodes shaj xas baluno mas, vaj chi mukhen kado? But pushipe, so po alosaripe zhukarel. ba kon shaj anel kadal alosaripe? O stato? O Del? Vaj ame?

Chi zhanas, de jokhar po agor te phenel trubul variso vi amange taj vi Eurapako Unioske, pune naj zebejime! Pe jekh detehara pe kodo shaj zhangalyuvas, hoj chi sam khere ande amaro them.