Lovaricko shibako grizhipe

Kiadványaink

Radio Romano

Archív

Csatka

Közös Út Baráti Kör

Blog

Névjegy

Gindima

Tumencaj muro dyi sagda. Te na bisterdyon pa jekhavreste, zhikaj e luma luma avla,..

http://rfgy.blog.hu/

Portré

Rostás-Farkas György

CTMT videók

GTranslate

 

Rólunk

So vakarel amenge o Suntoiskiripe? PDF Nyomtatás E-mail
Írta: Gustav Kuznecov   
2017. január 17. kedd, 14:08

Anglunes, sar te kezdyi te chambav tumenge, te putrav ari chachipe andai sunto keniva, ke so phenenas le prorokura, le Dealeski vorba, pai Tshei e Mariya.
Kamav te phenav ake so: Le Evangelistura pindiaren ande feri kody vorba savi sy iskirime andei bibliya. Ai kana vareso phendoi, no nai kodo iskirime andei bibliya, to kodo von chi len ande, ai chi dinavenles chachimaske. Phenen, kado sa paramichii. chak tume mishto jianen e bibliya, ai andei bibliya iskiriipe kalesa po parno e vorba le Devleski, savi amende ande le apostolura. Le apostolura mangen penge sytiarden ai vamen savoren, kon dinavel e bibliya, «Te las ande ai te ashunas, ai te garavas e sunto bitshady vorba» 

Ai soi kody sunto bitshady vorba? Ai soski shai avel e bitshady vorba? Sunto? Vaike na sunto?
E sunto bitshady vorba: 
1. Kana o manuw shukares godyasa ashunel, serel sako vorba, ai igrella kade ke chi paruvel ande la chi ek vorba ai chi ek lako betyvo.

2. Kana o manush shukares godyasa ashunel, serel sako vorba, ai igrella kade ke chi paruvel lako panasy, ai chi tshudel ari, vaike te tshol pashe varesoski vorba, ai chi paruvel le vorbi mashkar pe thanesa.

Eta atunhi shai phenas ke kady sy sunto bitshady vorba, amenge katar o Del ( svyatoe predanie.) Ande kady bitshady sunto vorba sy le Devlesko chachipe, kado puterdas ari o Del Peske suntone manushenge, ai manglas te inkren e «Sunto bitshady vorba» ando iilo, te garaven, ai te ingrenla mai dur ande sa nypura, (rodura), ai andel sa vrami, mashkar le sa, manush. Ai so e bibliya korko anda pes laspe? pelas amenge tele pa cheri?, iskirime, ai gata? Ai nai tumenge lojiavo kai kado cinnoro chi atiaren?

O Del vetoyas Peski sunto vorba, andel manushenge iile. Le manush ashunde e jiuvindy vorba le Devleski, ai kody vorba but bersh phirdas opre e lyuma. Ai le sunty apostolura, ai vi le kaver hristianura, anglunes achunde le Devleski vorba, ai kodo sa ingerde mai angle, sar o «Latsho iro», o bitshado iro katar o Del. E Evangeliya butshol - latsho iro». Le sunty apostolura pala le Ezusosko meripe, nachilas opra but vrama, but bersh, tide le Devleske vorbi, le Dealeske iskirime lyla, ai rakisardele andei sunto keniva, savake phende « Nevo Zaveto».
No sy inke ek falo bitshady vorba:

Kado sy e manushany « Istoriya» kado shai avel o puranype savo reslas amede, ai savo shai avel chacho ai vi parudo ai amyslo melyasa. Kady istoriya ame le manush, nashtyk tshudas ari sar zurales tena kamasa. Kado shai avel o traio le manushengo, sakonesko traio, amare dadengo, amare papongo. No ame le manush opra but vi hasardam ai vi hasaras ai vy hasarasa anda i manushany « Istoriya». Istoriya sakone manusheski savo kerdilas pekady lyuma, ai sa lesko traio, di kai lesko meripe, vy sy leski istoriya, leski ( avtobiografiya). 
O Apostolo o Ioann phendas, ke te iskirisardov tele sa o panasy savo panaskodyyas o Ezus, ai sako Leski phendy vorba, ai Lesko but ai baro sytiaripe karing ame, to chi avilov dosta kady bari lyuma, te resen ande la, kodol but kenivi.
Ai sy inke ek falo bitshady vorba:

Sy bitshady vorba vi kacavi, savi melyarel e shukar tai e chachi vorba, ai kerdiol kucime hanro, savo jial te marelpe la chacha vorbasa. Kady bitshady vorba avel ari katar le hohamne manush, katar le dushmanura le chachimaske. 
E bibliya sy kenivi savi iskirimei le Devleske Duhosa, katar le Devleske alome prorokura, save sas bitshade tai phirade katar o Sunto Duho. E bibliya iskirimei amenge sar chacho sytiaripe, sar te traiisaras pe kady phuv. Tena mudaravas ande amaro kolyn amari kuch odi. E bibliya chisar nashtyk inkrel ande pes, sa so kerelpe pei lyuma, no voi amenge opra skurto shai del sytiaripe, chachipe, ande but kusalyme bi atiarde pushlymata. Opra but manush phenen ke amaro Del o Ezus, pala Peske 12-i bersh, sas ande but thema, ai andale sas vi ande Indiya. Kady vrama anda le Ezusosko traio, nai iskirime andei bibliya.

No ame nashtyk phenas, ke kady vrama savi nai iskirime pa Les andei biliya, to kady vrama o Del nas pei lyuma. Kado amendar sy garado, no me gindyi ke pa kado trobuyas te jianen le but manuw save Les jianenas ai dykhenas. No kady istoriya, saek di amende chi reslas. So pakado shai phenen le Evangelistura? Sostar e bibliya, chi birii pa kado amenge te phenel o chachipe? kai sas o Ezus kady vrama? Sakones anda ame, sy chachipe ot tavelles panasy pa lesko traio, kana ame sam kerde pe kady phuv.

Ai te kezdyya te phenav akanak, vaike te iskirii, pa sunto bitshady vorba, savi phenel amenge panasy pa Sunto Mariya, to tume le Evangelistura, chi kamena meg te ashunen. Tena melyaren tumare kan. Ai mindyar arakhena pe muri sako vorba, wel vorbi palpale, save tshoren e chik pei Sunto Mariya ai vi pe Lako Tshavo o Ezus. Ai te lasa te das than le chachimas, to bi dumukhengo shai avas tumenca letra kai o chachipe. chak e Sunto Mariya chi arakhadilas katar e balival, Voi sas manush, ai vi kerdele le manush, Lake adada. (Roditeli) La sas lako traio, savo sas pherdo Laka istoriyasa. Ai sasla Laki (Avtobiografiya) panasy ai vorba pa lako traio, sar kai sy, sakones anda ame. Ame patias ande chache, sunty bitshade panasa. Save ande amenge, kodol manush, save dykhle penge yakhenca, save ashunde penge kanenca. Save ashunde katar le anglune sunty manush, le sunty rashaya, ai chi parude kodo bitshado sunto panasy, ai sa kody istoriya.

Ame le pravoslavny, ai le katolikura, na but no jianas pa lako traio. Jianas sar kerdilas, kon sas Lako dad Laki dei, kai sas peske tshavorikane bershora. Lako traio le Ezusosa. Sar das Pesko traio le Devleske. Lako traio, pala meripe Lake Tshavesko, ai di kai lako meripe. Kon anda ame shai phenel ke e Mariya nas le Dealeski alome. Pa kado iskirinas le prorokura, ai naiis le Devle ke sy kado prorochestvo, savo phenel amenge ke Voii e mai aldyme andal sa jiuvlya.

Amende kai le pravoslany hristianura, ai kai le katolikura, atshilas palate o chacho panasy, pa Lako traio, ai pa Lako meripe. Kodol manush save La dykhle, save traiinas ande laki vrama, lako traio tide, tai iskirisarde andei keniva. Kado, sa, naiis le Devleske same, anda kodo, ke le sunty rashaya, le sunty manush, kado baro barvalype, chi hasarde, garadeles ande lada penge iileski, ande penge kenivi, ai atshade sa kodo barvalype amenge. Voi pala meripe Peske Tshavesko, sas khethane le Apostolonca, ai kana tshude o ( Jrebii) to vi

Lake pelas ari te ingrel e Evangelie, e jiuvidy vorba Peske Tshaveski le Ezusoski, sar le sa Apostolura. Ai das sa pesko traio dikai Pesko meripe Peske Devleske. Tume te kamena vazden opre e purany istoriya, ai arakhna o baro barvalype, savo garadoi tumendar. Roden ai arakhen, ai mai kamna la Da, savi sy savorenge Dei, sakoneske kon patil ando Del o Dad, o Tshavo, ai o sunto Duho.
Amin.

 

 

 
Copyright © 2024 Kethano Drom - Közös Út. Minden jog fenntartva.
A Joomla! a GNU/GPL licenc alatt kiadott szabad szoftver.
Fordította a Magyar Joomla! Felhasználók Nemzetközi Egyesülete
 

Tehetség

Örökségünk nyomában

PTK roma tananyagok

Emlékezet

Portré

Közös Út a Facebookon

Mottó


„A cigány kultúrának intézményekre van szüksége...
Én ezt egy kulturális autonómia intézményrendszerén belül képzelem el, amely nem szavakból, hanem láncszemként egymáshoz kapcsolódó intézményekből állna.”

***

Részlet Orbán Viktornak  2008. április 11-én elhangzott beszédéből.


 

Civilhang

SZEMlélek

Galéria