Lovaricko shibako grizhipe

Kiadványaink

Radio Romano

Archív

Csatka

Közös Út Baráti Kör

Blog

Névjegy

Gindima

Tumencaj muro dyi sagda. Te na bisterdyon pa jekhavreste, zhikaj e luma luma avla,..

http://rfgy.blog.hu/

Portré

Rostás-Farkas György

CTMT videók

GTranslate

 

Rólunk

O balisho thaj le ruva PDF Nyomtatás E-mail
Írta: Administrator   
2012. március 26. hétfő, 18:55

Sas johar jekh balisho, sas les jekh kher ande bare vesheske mashkar. Jokhar, sar ando kado cino kher kiravakerdas ande peste, kothe zhal jekh zhungalo ruv, thaj andre vorbil po vudar:

-Muk andre, muro drago balisho! Zurales shil si avri, shil sima!

-Chi mukav andre tut, ke kamesa te xasma!

-Muk andre muro palutno punro!

O balisho andre muklas lesko palutno punro, te na tela kado vi opre shutas pej jag ande bari tigaja paji.

Pala ekh’cerra pale das duma o ruv:

-Muro drago balisho, muk andre vi muro kaver palutno punro!

O balisho andre muklas vi kodo, de o ruv majbut kamlas, thaj pala ekh’cerra pale das duma o ruv:

-Muro drago cino balisho, muk andre vi duj mure anglune punre!

O cino balo andre muklas vi leske anglune punre, ba le ruveske chi kodo nas dosta. Pale das duma:

-Muro guglo, drago cino balisho muk andre vi muro intrego trupo, maj dichlasa, hoj na najesa chi unzo tute!

Pe kadaleste o balisho jekh gono shutas ko vudar, haj kana o ruv andre palarel, atunchi ando gono zhalas andre, thaj kade andre muklas les. O ruv chaches ando gono gelas andre, o balisho na darajlas, sigo andre phandas le gonesko muj, sigo tele vazdyilas pa e jag la bara tigajasa o jagalo paji, thaj tele shordas lesa le ruves, pala kodo opre gelas p’ekh baro kopachi.

O ruv zhikaj vrama vurlyajlas, ke o jagalo paji kade tele inkerdas peske zara, hoj chi jekh thav ashilas pe leste, pala kodo zhi kothe boldas pes pune avri na puterdas le gonosko muj. Avri garadyilas pes, thaj nashlas vortas zhutisaripe te anel. Vi palpale avilas na pa but kaver ruvenca, vi line pen te roden le balishes.

Zhikaj-zhikaj rode les, pune varisosko dikhlas les po kopachi. Kothe geline tela o kopachi, ln pen te vorbakeren, hoj so kerenas, soske modosa zhanenas te xutxilen le balishes, ke chi zhangle opre te zhel po kopachi. Na pa but kade godyaveriline pen, sar jekhavreste tordyon sakon, kada o majopruno resela le cine bales. Vi line pen pe jekhavrengo dumo te zhan, o kushlo ashilas o teluno, ke darajlas pe majopre te zhal. Kade sakon pe lesko dumo sas.

Aba kasavo po uchipe sas, hoj maj na resline le balishes, numa ekh abhavdas, de vi kodo las pes opre te zhal! Atunchi o balisho sigo cipisardas jekh baro:

-Jagalo paji le kushleske! Jagalo paji le kushleske!

O kushlo darajlas, avri xutyilas telal, le but ruva sa perdine, kaske o punro, kaske o korr phadyilas avri, o kushlo apol kade nashlastar, hoj chikana chi dikhline les majbut.

 

(Popularno paramicha, boldasles: o Nagy Róbert / romanishib.hu)

 
Copyright © 2024 Kethano Drom - Közös Út. Minden jog fenntartva.
A Joomla! a GNU/GPL licenc alatt kiadott szabad szoftver.
Fordította a Magyar Joomla! Felhasználók Nemzetközi Egyesülete
 

Tehetség

Örökségünk nyomában

PTK roma tananyagok

Emlékezet

Portré

Közös Út a Facebookon

Mottó


„A cigány kultúrának intézményekre van szüksége...
Én ezt egy kulturális autonómia intézményrendszerén belül képzelem el, amely nem szavakból, hanem láncszemként egymáshoz kapcsolódó intézményekből állna.”

***

Részlet Orbán Viktornak  2008. április 11-én elhangzott beszédéből.


 

Civilhang

SZEMlélek

Galéria